Karlien van Jaarsveld

Sluit Aan!

Wees eerste om te weet as ek iets wil deel! Sluit hier aan by my nuusbrief:

Naam:

 

Email:
   
 
Borge & Vriende
 

Jongste Nuus

Nuusbrief Nr.3, 2013

06-11-2013
Hello… Sjoe ek voel nogals soos 'n vreemdeling op my eie nuusbrief, ekt so lanklaas vir julle geskryf, en SOVEEEEEEEEEEEL goed het al in tussen gebeur…
 
Daar's 'n nuwe cd vrygestel. Hy platinum gegaan. Daar's 'n nuwe fliek wat uitkom. Ennnnnn, EK IS SWANGER…. EN DIS TWEELING….. SEUNS!!!!!!
 
As ek terug kyk sover op 2013 was die jaar vir my 'n groot blessing uit die Here se hand. Een van my gunsteling jare nog. Die hoogtepunt van ALLES, is ons seuns. Van die oomblik wat ons uitgevind het ek is swanger, tot die eerste sonar wat gewys het daar is 2 babatjies, tot die eerste beweging wat ek begin voel het, en elke dag se skoppe wat hulle my gee… Weet nie hoe my ribbekas dit gaan hou nie maar ek weet die Here weet wat Hy doen en ek weet Hy het 'n plan met hulle twee se lewens gehad al lank voor die grondlegging van die wereld nou moet hulle net daarin loop en ek bid dit elke dag oor hulle. Met my swangerskap was my hart ten minste al elke week iewers seer vir mense wat nie swanger raak nie en mammas wat babas verloor, my hart breek vir hulle, dis so so hartseer. Ek wens niemand hoef daardeur te gaan nie. Ek hoop julle weet ek bid saam julle en soos die Woord van God se, ons treur saam mekaar wanneer jy huil huil ek saam. God se planne is groter as wat ons ooit sal begryp. Verder wil ek ook se ek het nog nooit soveel swanger vrouens in my lewe gesien soos nou nie, en ek hoor van soveeeeel wonderwerke, ek prys die Here.
 
Ek het vir julle op die stel van As Jy Sing geskryf toe ons besig was met die skiet van die fliek, en nou is Hy klaar en julle kan dit sien!! Ek hoop julle gaan dit almal gaan sien… Dis 'n baie oulike, lekker lag, goeie musiek film… Sien uit om te hoor wat julle gaan se daarvan!! Dis die eerste keer wat ek teenoor my broer moes speel, dit was baie vreemd, want jy moet maak of jy iemand wat jy al jou lewe lank ken, nog nooit ontmoet het nie… Dis moeilik… Maar dit was regtig 'n great ervaring. Eks baieeeeeee trots op my broer, hy speel regtig ongelooflik goed in die fliek. Dis regtig nogals iets om te sien… En dan maak Hanna Grobler en Robbie Wessels mens natuurlik hardop lag, hulle is nogals 'n wen kombinasie! Bok speel 'n baie kwaai ou wat eintlik skuil agter sy seerkry, en hy is my verlore liefde in die fliek… so dit raak nogals intens hoor. Maar overall is dit regtig net 'n lekker fliek. Ek hoop julle geniet dit baie!!!
 
DANKIE DANKIE DANKIE DANKIE DANKIE DANKIE DANKIE DANKIE X 10000000 aan elkeen wat my album UITKLOPHOU gekoop het en dit kliphard luister en so hard saamsing dat die mense jou weird aankyk. Dis julle wat die werk die moeite werd maak deur en deur. Dankie vir julle tweets wat my ook op hoogte van sake hou, en julle fotos en videos. Julle het al soveel kere my dag gemaak. Ek lief julle, julle is wonderlike ondersteuners wat voel soos vriende…. DANKIE. 
 
Die eintlike rede hoekom ek besluit het om 'n nuusbrief te skryf vir julle, is om julle te vertel oor my besluit wat ek gemaak het om NIE meer 'n boek uit te bring nie. Ek is jammer as ek julle teleurstel hieroor, maar ek het na baie navorsing en gesprekke met verskillende mense, besluit om eerder nie aan te gaan met die boek nie. Die groot rede hiervoor is, ek besef dat die vrae wat by my uitgekom het nie in 'n antwoord in 'n boek mense se seer gaan wegvat, of hulle noodwendig uit hulle omstadighedes gaan help nie… Dis te diep, dis te seer, en 300 woorde is te min vir 'n antwoord. Ek weet nie wanneer laas ek in my lewe so baie gehuil het met die vrae wat ek van julle gekry het nie, ek het van julle begin persoonlik antwoord op die mails, want ek wil nie eers he dat jou vraag in 'n boek moet wees terwyl ek met alles binne my weet ek skryf 'n antwoord wat jou nerens gaan bring en werklik uit jou situasie gaan kan help nie. Ek wil nie 'n boek skryf om geld te maak en in die aande kan ek nie slaap nie omdat ek weet dat daar soveel meer dringende hulp nodig is nie. Daar is baie profesionele mense wat jare geswot het om hierdie tipe probleme uit te sorteer en soveel meer kennis in dit alles het as ek. Wat ek defnitief wel doen, is ek bid, baie, vir julle. Dis wat ons vir mekaar moet doen. Molestering en verkragting is die meeste mails wat deurgekom het, en neeeeeeee dis nie aanvaarbaar nie, dit moet nooit so wees nie, maak nie saak of dit jou pa jou broer of jou oom is nie, JY GAAN MOET PRAAT EN UITKOM DAARMEE. Ek is soooooooooo bitter jammer vir elkeen van julle wat daardeur moes gaan of steeds doen, dis nie die Here se hart nie. Mense is vuil en vrot van die wereld en die wereld se gebrokenheid, en deur hulle gebreektheid en leegheid, breek hulle jou. Dit hoort nie so nie. Asseblief girls, as daar eending is wat ek julle wil vra is, PRAAT!!!! PRAAT!!!!!! KOM UIT DAARMEE!!!! Die waarheid maak jou vry, en die Here se die goed moet aan die lig kom dis al waar dit genesing kry. In die duisternis word als net vrotter en vuiler, en viesliker. Al voel jy jy gaan jou ma of pa seermaak of teleurstel dis ok, want hulle verantwoordelikheid is om jou te beskerm tot jy 18 jaar oud is. Dis waaroor die liedjie HOOR HOE RAAS DIE STILTE, op my album gaan, is dinge soos hierdie. Daar is 'n nommer wat julle kan bel om met iemand te praat oor die seer goeters in jou lewe. Asb bel hulle. Jy moet. Moenie uitstel nie. Doen dit vandag nog. Jy verdien 'n vry lewe, waar jy die dinge van 'n kind kan doen, en nie hoef te worry oor sulke goed nie. Die nommer is 08000 55 555. Asb asb asb asb - bel hulle. ek pleit vandag by jou om nie stil te bly nie…...
 
Jammer as ek jou teleurgestel het dat ek nie meer die boek wil uitbring nie, maar ek glo julle kan verstaan wat ek se. Ek sal altyd eerder eerlik wees met julle as om julle in die donker te los of die media dink hulle eie storie uit om te skryf en die waarheid kom nooit by julle uit nie. Dankie vir julle liefde en ondersteuning… Julle is in my hart. 
 
Baie liefde
 
Karlien

 

Nuusbrief Nr 2, 2013

04-06-2013

Hello vriende!!!!

Net toe julle dink julle gaan niks van my hoor nie............

Om my dag toe nou mee begin, koop ek 'n ding wat lyk soos 'n elektriese tandeborsel. Baie opgewonde om by die huis te kom en my tande sommer in styl te skrop, maak ek die toestel oop, net om te sien die ding spyt met 'n krag water tussen jou tanne in en jy moet hom charge vir ure, met water opvul in 'n houer wat so onprakties as moontlik kan wees vir iemand wat baie op die pad is en moet tasse pak, en dan spyt jy nou vir tandjies skoon. Ek wou regtig iets oorkom toe ek sien die ding is meer gevorderd as die appel en die elektriese tandeborsel in een, en ek moet die boekie omtrent opsom net om te weet hoe om hom elke keer te kan gebruik. Dis nou maar net iets random wat ek wou deel waar ek nou op my bed lê en vir julle skryf en die ding bly my in die gesig staar. Verder gaan dit eintlik baie goed! Ek was vanoggend by bybelskool gewees en ek kan nie eers begin beskryf hoe amazing dit is om iets te begin verstaan van wat in die Woord staan nie, om te sien hoe ver God se gedagtes bo ons sin is, en Hy wil so graag net hê ons elkeen moet 'n verstaan kry van wie Hy is, nie net van wat Hy als vir mens kan doen nie. Hy is die lewe in my, Hy is die krag in my, hy is die plek van waaruit ek moet reageer in enige situasie, want Hy is in vandag en Hy wil hê jy moet vandag nie jou hart verhard wanneer jy Sy stem hoor nie. Hy wil hê ons moet elke dag Hom hoor en gehoorsaam. Nie môre nie, vandag.

UITKLOPHOU!!!!!!

Ek werk nou al lank aan die nuwe album. Ek kan nie wag dat julle dit ook kan hoor nie!! Daar is 'n verrassing op die album... Die een is, ek het 'n liedjie vir my broer geskryf en hy het dit as 'n duet saam my opgeneem!!!! Dit was baie spesiaal vir my. En die ander verrassing is in die liedjie UITKLOPHOU.. Ek doen dit saam iemand of 'iemande'... Eks MAL oor die liedjie!!! Die tyd in die studio is lank en hard partydae, maar so die moeitewerd, veral as ek julle op die ou end van die dag die liedjies sien woord vir woord saamsing by shows! Dis die lekkerste van alles!! Dankie vir dit julle!!!!

Die eerste musiekvideo wat ons geskiet is, is van die liedjie HANDE.. Ons het 17 ure ver van Pretoria af gaan skiet op soutpanne in Verneukpan!!!!! Weirdste naam vir 'n plek ooit ek kon nie verstaan dat enige plek so naam het nie? Toe ek daar kom toe besef ek hier gaan jy ver loop om iemand te verneuk tensy jy hom verneuk met 'n skaap op 'n boom in die area.. Daar is NIKS!!!!!! Kilometer van NIKS!!!! Maar mooi. Ongelooflik mooi. Die mooiste sonsopkoms en sonsondergang kry jy by verneukpan. Die minste elektrisiteit kry jy op Verneukpan. Die meeste enkel hoë bossies kry jy op Verneukpan. Die minste maar die geselserigste mense is daar te vinde. En honde.. Daar is baie honde. Ons was 4 dae daar, en as jy soentoe gaan pak jy 'n tas met letterlik alles in want jy gaan niks daar kry nie! Die naaste dorp aan Verneukpan, is Upington en dis 4 ure weg op 'n grondpad.. So jy wil nie iets vergeet nie. Ons was vroeg oggende op om die sonopkoms te vang, dan hoop jy daar is krag wat die wind of die som van gister nog oorgelos het, en as daar niks is nie, skyn jy die kar se ligte op jou dat die mense hare en make-up kan doen met 'n generater.. Stort in die aande was nie 'n grap nie, jy doen alles wat nodig is sonder water, smeer die lyf sommer klaar seep was die gesig in die wasbak, dan spring jy 2 sekondes in die stort vir afspoel met warm water, dat die ander tien mense saam jou op die shoot ook hulle 2 sekondes van warm water kan beleef.. Hemels op daai stadium.. Daar leer jy van dankbaarheid en nog meer dankbaarheid, wat my nou laat sleg voel oor daai waterwerkende tandeborsel waaroor ek so moan.. Oops, klink of weer kan doen met 'n wekie in Verneukpan... O ja net 'n laaste dink oor Verneukpan.. Die naam is afkomstig van dat jy sukkel om jou rigting op die pan te kry, al het jy 'n baken neergesit en jy dink jy weet in watter rigting om te gaan en waar die son gister opgekom het en waar hy gaan sak het.. Daai pan verneuk jou sonder enige hoek of draai.. Ons kon nie kophou nie.. Dit was interresant! Een van die dae sal julle die video sien en dan weet julle biki van 'behind the scenes..'

Trou is nie perde koop nie girls!!

Jou droomdag, jou droomman, maanskyn en rose, alles so mooi uitbeplan.. Lekker feesgevier en dan honeymoon en dan : WERKLIKHEID. Jy kan nie meer weghardloop nie. Jy kan nie meer doen soos net jy wil nie. Jy baklei maar skree maar word maar kwaad, en vergewe dan maar weer en weer en weer en weer en weer.. Jy gaan deur jou rofste tye maar ook jou beste tye in 'n huwelik en ek is nou maar eers 3 maande getroud..?!! Jy groei maar hare op jou tande en laat die gees van God oorneem, want jy besef vinnig op jou eie gaan jy hierdie ding nie maak nie.. Ek is geseën met 'n wonderlike man waarvoor ek die Here elke dag prys, maar sjoe hy het die vermoë om vir my op te werk dat my moermeter rooier as rooi hardloop.. Maar so leer jy elke dag meer om die persoon nie te probeer verander nie, maar spasie te gee sodat hy kan wees wie God hom gemaak het om te wees dat hy ook tot die volle grote in Christus kan groei sonder dat ek in meng en dit probeer verander op wat ek verlief geraak het. En dan as daar goed is wat baie pla bid jy daaroor en God kom verander dit, dis om vertroue in God te hê en Sy vermoë om dinge uit te sorteer wat nie van Hom af is nie. Ons is almal op ons eie pad in ons snoeiproses om op die ou einde dit te word wat God oor ons gedroom het voor die voorlegging van die Wêreld. En die goeie nuus is dat God sê die goeie werk wat Hy in jou begin het sal Hy volbring! Nie jy nie! Want jy kan nie! Hy kan en Hy sal!

Ek wil julle net so biki van Justin Bieber ook vertel. Julle ek was in daai golden circle, en al wat ek weet is daai meisies pass nie uit omdat hulle nie kan glo wie hulle voor hulle sien nie, hulle druk mekaar so dat jy later nie meer asem kry nie, en niemand gee 'n tree terug nie, elkeen glo as Justin Bieber jou sien is jou kop deur en hy gaan verlief raak, eerste oog op slag, so jy gee nie jou plekkie van 2 by 2 cm op nie al kry jy nie asem nie, en dis hoekom die girls flou val, maar jy hou eerder uit en hoop jy word nie flou nie. ek het toe vinnig besluit dis nie iets waarin ek my wil bevind nie, en hy en Selena sal tien teen een weer bymekaar kom en ek moet onthou eks nog getroud ook, toe gee ek maar my plekkie op en gaan staan agter.. Maar die show was AMAZING!!!!!! Was so great om dit te kon sien! En ek kan defnitief verstaan dat al wat 'n meisie is verlief is op hom! Hy't tot sy hemp uitgetrek.. Hy's nou nie Derick sonder 'n hemp nie, maar jy kan sien hy kom in die gym.. Te oulik. Eks 'n baie groot fan van hom hoor!!!

Ok julle ons is biki in die Pilanesberg Private Lodge! Al amper die hele groot 5 gesien, dis darem so amazing om die diere van so naby te sien. Ek gaan nou biki by my man gaan sit en gesels.. Dankie vir julle liefde en omgee, julle beteken baie vir my!!!!


Mooi dag!
Al my liefde

KVJ XXX