Karlien van Jaarsveld

Borge & Vriende
 

Jongste Nuus

Nuusbrief Nr.2, 2012

05-07-2012

Hi hi hi hi hi!!
 
Ek het lanklaas geskryf.. Die laaste ruk was erg besig, soveel dinge gebeur!! Ek sit op die bank by my broer se huis en kyk Enews (oorsese celebrity nuus.. Dis seker eintlik weird dat dit so interresant kan wees?) En Bella my broer en Annatjie se hond lê styf teen my en wag vir haar volgende bord kos. Ek het NOG nooooooit 'n hond gesien met so 'n onstilbare honger nie. En Bella het 'n paar vereistes... 1. Sy eet net mens kos, nie pille nie, daarom noem ek haar eintlik Bella Balisimo wat beteken Italiaanse pasta vreetende brakkie. 2. Sy reageer nie op haar naam nie. 3. Sy weet hoe om die cat door te gebruik, so as die kos wat jy vir haar gee nie na haar smaak is nie, maak sy 'n escape deur die cat door tot by die clubhuis tannie waar sy by haar heater lê en take-aways eet... Nie die maklikste hond om op te pas nie... En ja ek is die een wat by die huis moes bly en honde oppas terwyl die res van my familie in Isreal is. O ja en, 4. Bella byt my die HELE dag. Ok genoeg oor haar, eks seker julle kan agterkom sy maak op die stadium 'n groot deel van my lewe uit...
 
 Ek is vandag al vir die 2de dag op 'n stemrus... Wat beteken ek mag NIKS praat nie, nie eers ja of nee se of fluister nie. Ek belowe dis een van die moeilikste goed wat ek in my hele lewe al moes doen! En dis baie akward om mense te sien en jy kan nie eers hello se nie, jy 'smile en wave' letterlik.. So ek probeer maar by die huis bly in die tyd. My stembande is geswel so ek doen nou allerhande goed om beter te word.. Ek sien Derick leer darem vinnig my vingertaal aan, hys heel oraait, en hy kan nogals genoeg praat vir altwee van ons. Hy kom mos van Piketberg af, en as daar een ding van Piketberg mense is, is dit 'n gepraat, hulle sal die bobbejaan en sy voorvaders agter die berg gaan haal, jy sal alles weet. As jy hoor hulle wil net gou kom hello se, maak jy jou maar reg vir 'n 5 ure gesels sessie. Maar moet se ek geniet hulle baie!!!! O ja en hulle brei (nie Derick nie, sy ma'le) so ek lag baie en sukkel partykeer om alles te verstaan, maar die beste mense wat ek ken!!!!
 
 So van Derick en sy ouers gepraat... Ek en hy gaan trou!!!!!!!!!!!!!!!!!!!! Whooooo hooooo! Ek kan nie glo eks al op hierdie punt in my lewe nie! Dit voel of ek nou erg volwasse moet raak maar eks nog kind binne my!! Maar dis exciting! Ek sien SOOOOO baie uit! Ons trou in die Paarl, dis ook waar ek en my broer gebore is, so dis nogals spesiaal vir my, en Derick se sussie bly daar, en sy ouers daar naby. Ek wou altyd by die see trou en toe doen my broer dit, en my ander opsie was in die wynlande.. So dis wat ons gaan doen! Ons gastelys het 300 mense op en elke keer wat ek by 'n geleentheid kom vergeet ek wie ek genooi het dan se ek sommer vir mense wat met my praat oor die troue hulle is ook genooi, en as ek dan na die gastelys kyk dan was hulle nie op nie.... So ja daar is ook nie hoop dat die gastelys gaan kleiner raak nie. Derick se al vir my voor ons iewers heen gaan, onthou my skat ons gastelys is klaar lank... Anel Botha maak my trourok!!!!! Ek sien sooooo baie uit! Sy maak al my rokke en sy doen altyd DIE beste werk! Ek het klaar die rok design... So hys in die maak proses.. Ons troudatum is die 24ste November! En dan honeymoon ons die hele Desember oorsee! Sal julle nog sê waar ons gaan... Ons beplan Dubai en Maldives... En dalk Mosambiek... Sal nog sien! Derick praat net honeymoon en ek net troue.. Daar is so baie mense wat my help met die troureelings dis amazing! Almal is so goed vir ons, ek weet die Here gaan vir ons so 'n geseende dag gee! Huisgenoot sal die exclusive op die troue doen, so julle kan dit later daarin lees as julle wil? As ek julle nie dalk al iewers genooi het nie.. Hehe...
 
 My nuwe album.... Wel ons beplan om hom uit te bring in Oktober... Maar is nog nie seker nie, ons moet eers mooi kyk wat aangaan met my stem en of ek reg is om nou in die studio in te gaan vir die maak van die nuwe album. Ek en Johan Vorster skryf weer! Ons het al so 8 nuwe liedjies vir die album geskryf en ons altwee is ongelooflik opgewonde!!! Ek hoop en glo julle sal die album LOVE wanneer hy kom!!! Dankie vir julle ongelooflike ondersteuning en liefde en opregtheid teenoor my. Ek het julle onvoorwaardelik lief. Dankie dat julle die albums koop en nie write nie! Die cd verkope gaan baie goed en dis alles te dankie aan God en julle! Ek waardeer julle SOOO baie!!!!!!!! Uit my hart!!!!!!! Dankie!!!!!!
 
 Ons het toe die staptog gedoen. Dit was vir my verskriklik om in klein Wiehann Botes se mamma en pappa se gesigte te kyk en vir hulle iets te sê. Want hoe troos jy so iemand wat 'n babatjie vir 8 jaar lank wou hê, en dan een kry en dan word hy op 5maande oud vermoor? Ek kan nie beskryf wat ek in hulle oë gesien het nie, dit was seer. Ek het nie woorde gehad om te sê nie, net jammer. Die stap was goed. Daar was vrede. Niemand was lelik of kwaad nie, en ek glo verseker dat dit 'n verskil maak en dat ons almal meer en meer moet saam staan, maak nie saak watse kleur jy is nie. Dis verkeerd, en bitter hartseer mense wil nie sulke ongeluk vir wit of swart hê nie. Dankie vir julle ondersteuning in hierdie hartseer saak.
 
 Dit was vir my 'n groot skok om uit te vind dat ek deel was van een van die Finesse Inspirasie vroue vir 2012. Dit is 'n ongelooflike groot kompliment!! Ek leer nog so baie van myself en van die lewe, ek val nog baie maar ek wil dit nie wegsteek nie want ek is ook net 'n mens met baie insecurities en baie foute. Ek leer elke dag by Jesus, en Hy is die enigste een wat die reg het om my te judge en Hy doen nie. Dis vir my die amzingste ding om te weet. Ekt altyd gedink ek wil streef om 'n beter mens te wees, 'n mens met minder foute, maar ekt besef ek kry dit nie reg in my eie krag nie. Hoe meer ek leer van Jesus, en wie Hy werklik is, nie dit wat die kerk van Hom vertel nie, en nie dit wat mense of jou ouers van Hom vertel nie, maar dit wie Hy werklik is. Van ek Hom die kans gegee het om Homself deur die Heilige Gees aan my te kom openbaar, leer ek meer van Hom as wat ek al ooit op enige plek in enige stadium van my lewe van Hom geleer het. En dit staan in die Woord dat die Heilige Gees jou teacher moet wees. En glo my Hys die beste van die beste! Daars soveel geheimenisse om uit te vind en soveel meer aan die Woord wat ons nie met die blote oog sien nie, so vra God om jou geestes oë en ore oop te maak dat jy Hom werklik sal hoor en sien! En so sal Hy jou deur Sy krag kom verander en red van jouself. Want die een wat sy eie lewe hou sal sterwe, maar die een wat sy lewe opgee sal dit behou. Lindie Strydom het toe die Inspirasie Vrou titel gewen, en het sy dit verdien!!! Die Here het die ongelooflikste dinge deur haar gesê daai dag toe sy haar speech maak, dit was amazing ek het aan haar lippe gehang, en halfpad deur haar speech toe is ek so spyt dat die hele wereld dit nie kon hoor nie! Dit was amazing, God het die perfekte persoon gekies om te wen, iemand wat nie geworry het of sy wen nie want sy besef dat dit nie oor haar gaan nie maar oor God en wat Hy vir Sy volk wil sê. Sys so pragtig, mens sien regtig Jesus wanneer jy na haar kyk. Ongelooflike Inspirasie Vrou 2012!!
 
 Dan laaste maar nie die minste nie, ek en my broer en my ma was by die Abraham Kriel Kinderhuis.. Ek is beskermvrou vir hulle. Dit was 'n ongelooflike dag. Die kindertjies daar is amazing, hulle leer my soveel van die lewe en dankbaarheid en opregtheid, dis vir my 'n voorreg om hulle te kan ken en deel te kan wees! Ons het lekker saam hulle gebraai en gekuier en ek en Bobby het vir hulle met een van hulle bokskitare met 'n megafoon gesing. Dit was 'n eerste vir ons altwee en dit was so lekker! Die kinders kon al die woorde saamsing, dit was so spesiaal!
 
 Ok julle, ek is nou moeg geskryf, en eks seker julle is al moeg gelees... So ek gaan nou afsluit. Derick is amper by my so dan gaan ons biekie kuier, en iets eet, en niks praat nie.. Ai...
 
 Geseende dag vir julle almal, en baie baie baie lief vir julle! Onthou God beplan vir jou net goeie dinge!
 
 Bye....
 Karlien