Net toe julle dink julle gaan niks van my hoor nie............

Om my dag toe nou mee begin, koop ek 'n ding wat lyk soos 'n elektriese tandeborsel. Baie opgewonde om by die huis te kom en my tande sommer in styl te skrop, maak ek die toestel oop, net om te sien die ding spyt met 'n krag water tussen jou tanne in en jy moet hom charge vir ure, met water opvul in 'n houer wat so onprakties as moontlik kan wees vir iemand wat baie op die pad is en moet tasse pak, en dan spyt jy nou vir tandjies skoon. Ek wou regtig iets oorkom toe ek sien die ding is meer gevorderd as die appel en die elektriese tandeborsel in een, en ek moet die boekie omtrent opsom net om te weet hoe om hom elke keer te kan gebruik. Dis nou maar net iets random wat ek wou deel waar ek nou op my bed lê en vir julle skryf en die ding bly my in die gesig staar. Verder gaan dit eintlik baie goed! Ek was vanoggend by bybelskool gewees en ek kan nie eers begin beskryf hoe amazing dit is om iets te begin verstaan van wat in die Woord staan nie, om te sien hoe ver God se gedagtes bo ons sin is, en Hy wil so graag net hê ons elkeen moet 'n verstaan kry van wie Hy is, nie net van wat Hy als vir mens kan doen nie. Hy is die lewe in my, Hy is die krag in my, hy is die plek van waaruit ek moet reageer in enige situasie, want Hy is in vandag en Hy wil hê jy moet vandag nie jou hart verhard wanneer jy Sy stem hoor nie. Hy wil hê ons moet elke dag Hom hoor en gehoorsaam. Nie môre nie, vandag.

UITKLOPHOU!!!!!!

Ek werk nou al lank aan die nuwe album. Ek kan nie wag dat julle dit ook kan hoor nie!! Daar is 'n verrassing op die album... Die een is, ek het 'n liedjie vir my broer geskryf en hy het dit as 'n duet saam my opgeneem!!!! Dit was baie spesiaal vir my. En die ander verrassing is in die liedjie UITKLOPHOU.. Ek doen dit saam iemand of 'iemande'... Eks MAL oor die liedjie!!! Die tyd in die studio is lank en hard partydae, maar so die moeitewerd, veral as ek julle op die ou end van die dag die liedjies sien woord vir woord saamsing by shows! Dis die lekkerste van alles!! Dankie vir dit julle!!!!

Die eerste musiekvideo wat ons geskiet is, is van die liedjie HANDE.. Ons het 17 ure ver van Pretoria af gaan skiet op soutpanne in Verneukpan!!!!! Weirdste naam vir 'n plek ooit ek kon nie verstaan dat enige plek so naam het nie? Toe ek daar kom toe besef ek hier gaan jy ver loop om iemand te verneuk tensy jy hom verneuk met 'n skaap op 'n boom in die area.. Daar is NIKS!!!!!! Kilometer van NIKS!!!! Maar mooi. Ongelooflik mooi. Die mooiste sonsopkoms en sonsondergang kry jy by verneukpan. Die minste elektrisiteit kry jy op Verneukpan. Die meeste enkel hoë bossies kry jy op Verneukpan. Die minste maar die geselserigste mense is daar te vinde. En honde.. Daar is baie honde. Ons was 4 dae daar, en as jy soentoe gaan pak jy 'n tas met letterlik alles in want jy gaan niks daar kry nie! Die naaste dorp aan Verneukpan, is Upington en dis 4 ure weg op 'n grondpad.. So jy wil nie iets vergeet nie. Ons was vroeg oggende op om die sonopkoms te vang, dan hoop jy daar is krag wat die wind of die som van gister nog oorgelos het, en as daar niks is nie, skyn jy die kar se ligte op jou dat die mense hare en make-up kan doen met 'n generater.. Stort in die aande was nie 'n grap nie, jy doen alles wat nodig is sonder water, smeer die lyf sommer klaar seep was die gesig in die wasbak, dan spring jy 2 sekondes in die stort vir afspoel met warm water, dat die ander tien mense saam jou op die shoot ook hulle 2 sekondes van warm water kan beleef.. Hemels op daai stadium.. Daar leer jy van dankbaarheid en nog meer dankbaarheid, wat my nou laat sleg voel oor daai waterwerkende tandeborsel waaroor ek so moan.. Oops, klink of weer kan doen met 'n wekie in Verneukpan... O ja net 'n laaste dink oor Verneukpan.. Die naam is afkomstig van dat jy sukkel om jou rigting op die pan te kry, al het jy 'n baken neergesit en jy dink jy weet in watter rigting om te gaan en waar die son gister opgekom het en waar hy gaan sak het.. Daai pan verneuk jou sonder enige hoek of draai.. Ons kon nie kophou nie.. Dit was interresant! Een van die dae sal julle die video sien en dan weet julle biki van 'behind the scenes..'

Trou is nie perde koop nie girls!!

Jou droomdag, jou droomman, maanskyn en rose, alles so mooi uitbeplan.. Lekker feesgevier en dan honeymoon en dan : WERKLIKHEID. Jy kan nie meer weghardloop nie. Jy kan nie meer doen soos net jy wil nie. Jy baklei maar skree maar word maar kwaad, en vergewe dan maar weer en weer en weer en weer en weer.. Jy gaan deur jou rofste tye maar ook jou beste tye in 'n huwelik en ek is nou maar eers 3 maande getroud..?!! Jy groei maar hare op jou tande en laat die gees van God oorneem, want jy besef vinnig op jou eie gaan jy hierdie ding nie maak nie.. Ek is geseën met 'n wonderlike man waarvoor ek die Here elke dag prys, maar sjoe hy het die vermoë om vir my op te werk dat my moermeter rooier as rooi hardloop.. Maar so leer jy elke dag meer om die persoon nie te probeer verander nie, maar spasie te gee sodat hy kan wees wie God hom gemaak het om te wees dat hy ook tot die volle grote in Christus kan groei sonder dat ek in meng en dit probeer verander op wat ek verlief geraak het. En dan as daar goed is wat baie pla bid jy daaroor en God kom verander dit, dis om vertroue in God te hê en Sy vermoë om dinge uit te sorteer wat nie van Hom af is nie. Ons is almal op ons eie pad in ons snoeiproses om op die ou einde dit te word wat God oor ons gedroom het voor die voorlegging van die Wêreld. En die goeie nuus is dat God sê die goeie werk wat Hy in jou begin het sal Hy volbring! Nie jy nie! Want jy kan nie! Hy kan en Hy sal!

Ek wil julle net so biki van Justin Bieber ook vertel. Julle ek was in daai golden circle, en al wat ek weet is daai meisies pass nie uit omdat hulle nie kan glo wie hulle voor hulle sien nie, hulle druk mekaar so dat jy later nie meer asem kry nie, en niemand gee 'n tree terug nie, elkeen glo as Justin Bieber jou sien is jou kop deur en hy gaan verlief raak, eerste oog op slag, so jy gee nie jou plekkie van 2 by 2 cm op nie al kry jy nie asem nie, en dis hoekom die girls flou val, maar jy hou eerder uit en hoop jy word nie flou nie. ek het toe vinnig besluit dis nie iets waarin ek my wil bevind nie, en hy en Selena sal tien teen een weer bymekaar kom en ek moet onthou eks nog getroud ook, toe gee ek maar my plekkie op en gaan staan agter.. Maar die show was AMAZING!!!!!! Was so great om dit te kon sien! En ek kan defnitief verstaan dat al wat 'n meisie is verlief is op hom! Hy't tot sy hemp uitgetrek.. Hy's nou nie Derick sonder 'n hemp nie, maar jy kan sien hy kom in die gym.. Te oulik. Eks 'n baie groot fan van hom hoor!!!

Ok julle ons is biki in die Pilanesberg Private Lodge! Al amper die hele groot 5 gesien, dis darem so amazing om die diere van so naby te sien. Ek gaan nou biki by my man gaan sit en gesels.. Dankie vir julle liefde en omgee, julle beteken baie vir my!!!!


Mooi dag!
Al my liefde

KVJ XXX

Hellooooo almal!!!

Sjoe ekt lanklaas 'n nuusbrief geskryf so jammer daaroor, maar dit beteken die een kan dalk biki lank wees.. So hoop jys lus vir lees.. Ek sukkel mos met spoedlees ek vat 'n jaar om een boek klaar te lees.. En nou dat julle dit van my weet kan ek net sowel met julle deel dat ek ook nie kan swem nie.. Wel net hondjie swem... Ok dit voel nou of ek redelik oopgemaak het met julle sommer reg van die begin van die brief af.. So dit voel soos 'n redelike persoonlike brief.. Maar julle is vir my redelik belangrik en voel vir my spesiaal... Dankie ook vir almal wat vir my boodskappe skryf op my gasteboek. Ek waardeer dit rerig.

Dankie julle.... My album het gegaan van GOUD na PLATINUM in 'n kwessie van 3 maande.. Alles te danke aan elkeen van julle wat 'n album gekoop het!!!! So DANKIE DANKIE DANKIE uit my hart uit!! Ek gaan my beste gee om vir julle nog beter en beter liedjies en shows te bring.. Met Johan Vorster aan my kant en al my gesprekke met Jesus oor my musiek, gaan julle nog mooi liedjies hoor glo ek.. Dankie vir julle ondersteuning en liefde.. Sonder dit is mens maar niks.. Dankie aan elke klein maaitjie van my wat julle mamma en pappas mal maak met JAKKALS TROU MET WOLF SE VROU, julle klomp is so na aan my hart, julle sing so mooi by my shows dit maak dat ek wil huil partykeer julle hartjies is so opreg.. Dankie dat julle so lekker saam sing en vir julle stywe drukkies wanneer julle my sien ek verruil dit vir niks!! Moenie vinnig probeer groot word nie ek wens so baie dae ek was weer so klein soos julle met julle skoon hartjies en opregte bedoelings en dat julle altyd die mooi raaksien.. So speel nog mevrou mevrou solank as jy kan en meneer en juffrou... Ek het met my barbie gespeel tot in standerd 6.. (Daar weet julle nog ietsie...) en ek mis dit... Daar stuur nou die dag 'n tannie met die naam Hazel vir my ma 'n sms en vertel van haar 13 maande kleinseun wat blind gebore is, en elke keer wanneer hy huil speel hulle my musiek vir hom dan begin hy lag en sy lyfie wikkel op die ritme.. Hulle het my liedjies op hulle fone en dan wanneer hy moeilik raak speel hulle die liedjies vir hom dan druk hy die foon teen sy gesiggie vas.. My hart was so seer toe ek dit lees ek het lekker gehuil.. Dis so spesiaal om dit te kan hoor... En as my musiek net vir een klein babatjie dit moes beteken het voel dit vir my alles die moeite werd, voel dit regtig vir my of God my gebruik.. En daar is niks wat ek meer wil he nie.. Dankie vir sulke boodskappe julle het absoluut geen idee wat dit vir my beteken nie... GOD IS GOED!!!

Julle het seker almal gesien hoe mooi lyk Angelique Gerber (Clara, boer soek 'n vrou) en Ben-G op Huisgenoot se voorblad? O jammer Angelique van Niekerk nou!!! Dit was sooo 'n mooi troue!!! Gretha Widd het hulle getrou tussen wyn wingerde op die mooiste dag.. Ek het vir hulle gesing en belangrikste van als was God se tasbare teenwoordigheid op hulle mooi dag.. Gretha het 'n ongelooflike boodskap gehad op haar hart wat my nou nog by bly en nog vir lank sal.. Ben-G en Angie het die mooiste vows vir mekaar gelees wat almal in trane gehad het.. En die mooiste vir my van alles was toe Angie se mamma saam met haar geloop het en vir Ben-G gegee het.. Dit was regtig so spesiaal... En Angie was die mooiste bruid.. Ek dink Derick raak aan die sweet as hy hoor hoe ek van die troue praat.. Ag wat elke meisie droom seker maar oor daai spesiale dag.. Ek wou maar net ietsie daaroor ook met julle deel... En raai wie was ook by die troue...?

Sion.... My boetie se gesig toe hy vir die eerste keer met hom in sy arms uitstap... Rooi gehuil.. Anna kom uit met die mooiste glimlag wat ek al ooit op haar gesig gesien het... En Sion... Die mees perfekste dingetjie, so reg uit God se volmaakte hande in hulle sin ingegee.. Ek was so opgewonde dit het gevoel soos 'n verjaarsdag van toe ek 4 jaar oud was. Ekt nog nooit so iets in my lewe gesien nie.. Iets so klein, iets so perfek, 'n wonderwerk reg voor my oe.. Laaste wat ek vir Anna gesien het was sy met 'n groot pens in, mens sou se daar's 'n moontlikheid dat sy dalk 'n klein olifantjie kan baar.. Maar toe kom daar 'n klein mensie uit, wat sy gesiggie nes 'n oupatjie sin kan trek...En sy en my boetie het uitgekom 'n mamma en pappa, 'n gesinnetjie... Die werklikheid tref jou eers wanneer hy hier is.. 'n lewendige klein mensie wat uit 'n maag uitkom? Hoe fantasties? Dis AMAZING!!!! Sion was 'n charmer van dag een af.. Die baba girls het lekker gehuil toe hy na sy derde dag in die hospitaal moes huistoe gaan... Hyt net sy pa se nommer uitgedeel en is met 'n groot smile huistoe... Die eerste ontmoeting met sy ouerhuis... Baboo en Bella, my en Annatjie en Bobby se honde was so nuuskierig toe die klein seuntjie by die huis kom.. Hulle wou dadelik vriende maak maar het vinnig besef Sion is nie in hulle vriende klas nie... Hy drink nie uit 'n bak nie en hoef nie buite te gan piepie nie... Ek kan sien hulle dink Sion word voorgetrek, so hulle probeer hom elke keer alleen kry om die situasie te bespreek.. Sion smile maar net vir die twee wolhaar brakkies en drink aan sy mamma.. Eks seker hulle sal wel iewers in die toekoms vriende raak...

Ek sit op die oomblik in London, ek kuier by my kerel, Derick.. Dis nogals koud hier.. Mag almal die vakansie tyd ongelooflik geniet en lekker eet... Jy kan Januarie weer met jou dieet begin.... En moet nooit kwaad gaan slaap nie... Ons besigste tyd le nou voor ons, ek doen my EERSTE TOER NOU VAN DIE 9DE DESEMBER AF SAAM BOBBY!!! Ek sien vreeslik uit ek hoop ek sien julle daar!! En o ja!!! Voor ek vergeet ons het vir Rihanna hier in London gaan kyk! Regtig sooo cool gewees!! Dis net anders... Die beligting, die klank, die duisende mense.. Alles. Ek sal fotos op my facebook page sit een of ander tyd dan kan julle sien... Dit was regtig iets om te beleef! En o ja!!! Derick het Taylor Swift se DVD vir my gekoop van haar wereld toer, absoluut die moeite werd!!!! Dis ongelooflk goed!!!

Ok, ek het ook vir julle ‘n lekker kompetisie.... 10 van julle kan elkeen ‘n geskenkpakkie wen met ‘n waarde van R500. Ek gaan nie vir julle sê wat daarin is nie – julle sal sien as julle dit kry! Die kompetisie sluit Vrydag die 9de Desember. Die vraag is: Noem 3 plekke waar ek en my boetie in Desember sing. Email net jou antwoord na nien@insight.za.com As jy een van die wenners is sal ons jou laat weet met ‘n email.

Ok julle ek gaan nou groet... Dankie vir die tydjies wat ons kon saam spandeer het en nog gaan.. Mag jy 'n mooi dag vol liefde beleef en liefde gee.. En mag jy jou skeppingsdoel in Christus uitleef want alles wat ons hier sien kom tot niks... Soos Prediker se.. Dis net 'n gejaag na wind... Al wat sal bly vir altyd is jou verhouding met Jesus...

Baie liefde en dankbaarheid!!!!
Karlien
XXX

29 Julie 2011

Hallo julle,

Hoe lekker sou dit wees om ook soos die diere in die winter te kan hiberneer...? Dis al waaraan ek heeltyd dink. Hoop jy sit in 'n warm kantoor of onder 'n warm kombers met koffie of iets in die hand, en maak seker jou rekenaar skerm reflekteer nie teen die venster agter jou dat jou baas kan sien jys besig op my website en nie met jou werk nie...

Dankie is die woord waarmee ek met julle wil begin praat. Duisende ongelooflik baie dankie vir julle stemme met die Tempo Awards, en aan almal van julle wat my album koop, wat 'n voorreg. Die dag van regmaak vir die Tempo toekennings was nie 'n grap nie, en dis of AL my afsprake deurmekaar geraak het iewers.. So dat ek op die ou einde nie eers kon bad voor ek aangetrek het nie.. Jammer wou dit net deel? Dit was seker biekie weird? Jammer. Oppad soentoe moes ek ‘n kalmeerpilletjie sluk, darem net ‘n natuurlike kruie pilletjie, want dit moes help met die senuwees... Want my hart wou weghardloop, ek was bang ek spring op as hulle nie my naam aangekondig het nie of val dalk flou of begin een of ander weird dans doen.. En ek het nooit geweet mens kan so sweet van stres nie. Eerlike waarheid, ek haat kompetisie. Maar dis deel van die bedryf en eerlikwaar druk dit jou om beter te wil doen. Ek kyk altyd die Grammy Awards en dan sit al die bekende mense mos nou so tussen mekaar. Ekt myself toe vir 'n oomblik verwar met Taylor Swift en Romanz wat agter my gesit het met Westlife, en Kurt Darren wat voor my gesit het met Ricky Martin en Jack Parrow op die screen het my laat dink aan Eminem, en my broer langs my, Brad Pitt... Ek was in my eie droom wereld, ek het regtig daaraan gesit en dink hoe dit moet wees om tussen daai klomp te sit. Die aand was intimiderend, en die kompetisie sterk, my broer het vir my nog van daai kruie kalmeer pilletjies gegee want hy verstaan die stres. Volgende oomblik se Ricky Martin (Kurt) Beste nuweling vir 2011, Karlien Van Jaarsveld... Toe slaan realiteit want hyt nie gese Taylor Swift nie. Ek onthou ekt op my skoot gele vir 'n ruk voor ek opgestaan het, na Annatjie my op die skouer tik en se Karlien, dis jy. Ekt toe opgestaan en van daar af regtig nogals 'n blur... Daar was baie mense en ek het nog nooit 'n toekenning gekry nie, nie eers 'n medalje nie, so die was baie groot! God is goed! Hy's so ongelooflik bitterlik goed vir ons. Ons moet net ons oe oopmaak en rondom ons kyk, want jy sal orals Sy goedheid sien in die gebroke wereld. Dankie dat julle in my glo en gestem het, dis van onmeetbare waarde, ek waardeer dit uit my hart julle. Dankie.

Dan het ek by Innibos die nuus gekry dat my album goud gegaan het!!!!! Ek was wit in die gesig. Die mense van Sarie Tydskrif het my kom se, en ek was nie seker of hulle grap of nou die waarheid praat nie. My record company wou dit geheim hou vir my tot die maandag, maar so kom goeie nuus altyd vinnig uit! Ek was absoluut in ekstase! Ek kon dit nie glo nie! Dankie julle weereens, regtig, sonder dat julle die album koop is dit nie moontlik nie.. En vir die wat hom dalk gecopy het, ek hoop jy kry 'n brandende begeerte om die regte een in die hande te kry! Dankie julle.

Die GIG-kamp was ongelooflik. God is Good! All the time!! Dankie vir almal wat dit saam ons kon deel. Ek bid dat God waarheid in jou hart sal plant, dat jy nie woorde en se goed van mense sal volg nie, maar dat jy soos Hy in Sy Woord se, die Heilige Gees jou leraar sal maak. Onthou jy kan dinge hoor en leer, maar gaan vergelyk ALTYD ALLES met Sy Woord, want dis die enigste waarheid wat ons het! God het Sy plan met jou geweet voor die voorlegging van die aarde, maar ons het op ons koppe geval saam Adam in die paradys, en vergeet hoekom ons hier is, en daarom is my gebed, dat God jou geopende oe van die verstand sal gee, dat jy sal onthou wie jy was voor die grondlegging van die aarde dat jy in jou skeppingsdoel sal kan opstaan en sal deel raak van Sy bruid, ja mans julle word ook die bruid! Maak julle lampe vol olie dat ons sal reg wees om ons Bruidegom tegemoet te kom. Ek bid dat julle oe sal oopgaan om nie die oordeel oor iemand anders uit te spreek nie, omdat ons elkeen se verhouding met die Vader verskil, en wat by jou 'n oortuiging mag wees is dalk nie by die volgende ou nie. Moenie jou openbaring syne wil maak nie, hy moet dit self ondersoek en God moet dit vir hom of haar openbaar, jy kan daardie persoon slegs in die waarheid lei, na die Een wat die Lewende Water voorsien. Ek bid dat julle almal sal groei in Hom en sal verstaan dat God nie oordeel nie, en dat Hy werklik kom nuut en vry maak.

Ek sal vir julle die datums van die Elia kampe deurgee wat ons ook bywoon as julle sou belangstel om te kom om jou Vader te leer ken en dit wat Hy oor jou se. Julle is almal meer as welkom!! Ek sal die datums hierop en ook op my facebook en op GIG se website sit! So asb gaan kyk daarvoor! Regtig 'n blessing!!

Dankie vir julle tyd en belangstelling, julle beteken baie vir my.

Wees vandag die lig, want God is lig, laat Hy deur jou skyn na die mense om jou.

Baie liefde
Karlien

 7 Junie 2011

Hello julle!!!!

Eerstens welkom aan almal wat nuut is hier op my website en dankie dat julle ons ondersteun en soveel moeite maak, ek waardeer dit soooo baie!!

Daar is baie aan die gebeur nou, julle koop my nuwe album en dit stoot alles op!! Dankie vir elkeen wat 'n album gekoop het, ek hoop julle geniet dit baie en dit beteken miskien iets vir julle. Julle kan al my show datums op my website kry!! Sal lekker wees om julle elkeen te ontmoet!! Eks nie seker of julle weet van die nuwe video wat op Jakaranda 94.2 'gelaunch' is nie? Jakkals Trou Met Wolf Se Vrou!!!! Ons het hard aan die video gewerk, ons het dit in die karoo gaan skiet op twee wonderlike mense se plaas, Jan-Hendrik en Patrys. Dit was ongelooflik koud en ek het elke oggend 5 uur opgestaan om reg te maak vir die dag se shoot. Ek het die meisies jammer gekry wat my hare moes doen, want hulle moes saam my vroeg wakker word en help met die mooi maak. Ons het die mooiste sonsopkoms gesien wat ek al ooit gesien het. Vir een of ander rede, elke keer wat ek in die natuur kom raak God se teenwoordigheid net tasbaar, dis orals rondom jou daar. Dit was so interessant, ons het 'n kort film van die video gemaak wat binnekort op youtube behoort te wees wat julle die hele storie mooi gaan vertel, presies waaroor dit gaan. Daar is dialoog, so ekt biekie geact... ons sal maar moet hoor wat dink julle? Ons het die video in 'n 70's tipe tydperk geskiet waar daar nie tegnologie en dinge was nie. Regte pearl harbour tipe video. Daar is soveel wat agter die skerms gebeur dat dit eintlik so weird is om na die tyd die video te kyk en net vir my en die ou wat saam met my gespeel het daarin te sien, want almal sit letterlik net agter die lens.. Dit sal binnekort op MK en KYKNET te sien wees!! En ek weet JAKARANDA 94.2 het ook 'n kompetisie waarin jy R10 000 kan wen as jy die video direk op hulle website gaan kyk en die vraag kan antwoord, so gaan maar in op hulle website. Of wag, click sommer op die link dan is jy direk by die video, http://www.youtube.com/user/Jacarandavideo1#p/a/u/1/vs9fiUIjov0. Die kompetisie sluit more!!!!!! Julle MOET vandag gaan kyk en die vraag beantwoord........ Moet nou nie uitmis nie!

Ek en my broer gaan woensdag TOP BILLING skiet, ek sien uit, dit lyk altyd vir my na so 'n grand program so hopelik maak ek nie weer een of ander dom grap nie. Hou maar duim vas. Dit behoort oor so 2 of 3 weke te wys. Op 'n meer ernstige noot, wil ek julle vra of julle nie almal waar julle kan asb met komberse in julle karre sal rondry nie, en daar waar jy iemand sien wat minder bevoorreg is, dit vir hom of haar te gee asb, die winter is so koud en veral die week wat nou kom gaan baieeee koud wees, ek voel so jammer vir daai mense, my hond het 3 komberse en hy lyk nogsteeds nie gelukkig nie. Dis baie koud en ons is almal so bevoorreg om in 'n warm bed te kan slaap met 'n vol maag, so as julle asb ons sal help met die projek sal ek dit baie waardeer, uit my hart uit. Mag Jesus julle seen met elke kombers wat julle uitgee, al is dit net dat jy goed oor jouself kan voel in daardie oomblik.

Ek het so week terug 'n onderhoud op Radio Kansel gehad oor my lewe en hoe God vir my 'n werklikheid geword het en Hy my hele lewe kom verander het na 'n persoonlike ontmoeting. Die hoof van Radio Kansel was baie beindruk en het my 'n geleentheid aangebied om omtrent weekliks iets uit te saai oor die radio waar ek tieners bemoedig met daaglikse temptasies wat ek self ken. Ek weet God het Sy hand in die ding want ek vra Hom altyd waar kan ek praat waar mense my sal hoor, waar kan ek die waarheid praat, en Hy het my die geleentheid gegee, en ek is Jesus ewig dankbaar daarvoor. Ek hoop dat julle na Radio Kansel sal luister, en dat dit werklik iets vir julle sal kan beteken...

Die Komatipoort Garnaal fees is om die draai en FIESTA het my gevra om daai dag aan te bied... Eks biekie gestres maar hopelik sal dit baie goed gaan en 'n great fees wees, ek hoop julle almal kom!!! Dis die 25ste Junie, so ek neem aan bitter koud en pannekoeke defnitief.

Ek gaan ook by die GIG winterkamp wees!! Ek sing daar en praat wat ookal Jesus daar op my hart sit. Ek hoop regtig julle kom. Kom met 'n verwagting in jou hart, want Jesus se Hy sal jou in jou verwagting ontmoet. Hy is real, Hy is great en Hy wil 'n persoonlike verhouding met jou hê. Kom deel dit saam ons. As jy meer wil uitvind, gaan na www.gigministries.co.za 

Ek weet nie of julle dalk al gesien het nie, maar ek is op TWITTER, dis nogals 'n great manier om julle deel te maak van wat alles in 'n mens se dag gebeur. Ek volg self 'n hele paar mense. Ek het al lekker gelag. So as julle wil deel raak sal dit great wees, ek gee vinnig daar updates van iets wat op die oomblik gebeur.. my twitter naam as julle dit wil soek is, KarlienVanJ, tik dit net so in en search...

Ek het nou ook 'n page op facebook waarna julle kan gaan, ek het glad nie enige ander profiles op facebook nie, net die nuwe een, so as julle daar wil join sal dit lekker wees!!

Iets waarna ek baie uitsien is INNIBOS FEES!!! Ek sing daar die 30ste Junie op die hoofverhoog. Die fees groei elke jaar met duisende mense en dit raak net lekkerder. Dis regtig 'n groot voorreg. Hoop julle het al plek bespreek!!

Dan nog 'n laaste ding, die 29ste Junie het ek en Bok Van Blerk 'n signing sessie by Makro Silver Lakes!!! So kom sê asb hallo!! Maar sjoe ek moet se ek sal verstaan as jy nie jou kinders wil bring nie, want al daai sweets in daai plek sal my kop net so deurmekaar krap. Ek koop altyd een of ander iets daar voor ek uitstap... Maar dit sal lekker wees as julle kom!!

Ek hoop regtig julle het 'n geseende jaar sover, en dat julle almal nog elke dag lag en liefde gee en ontvang, en dat julle nooit sal ophou soek na die waarheid van Jesus nie. Dis oor Hom wat alles gaan!!!

Shalom
Karlien V J

 5 April 2011

HeLLo JuLLe!!!!!

Dis altyd vir my so 'n storie om 'n brief te begin skryf, want ek voel nie goed met briewe skryf nie, en die enigstes wat ek ooit skryf is aan mense wat regtig iets in my lewe beteken, en elke liewe een van julle beteken vir my meer as wat ek in woorde kan se. So ek wil die brief persoonlik skryf en he elkeen van julle moet weet dis spesiaal vir jou. Ek wil begin deur dankie te se vir elke boodskap wat jy stuur op my gasteboek, elke ma, elke kind, elke ouma, almal. Ek lees elke boodskap, ek kan nie op alles reply nie, maar ek waardeer dit uit my hart uit. Dankie. Dit voel of die tyd vlieg en dinge regtig vinnig gebeur, ek voel nogals op die stadium soos Alice in Wonderland wat in 'n gat van blessing in geval het en die journey stop nie. God (Yaweh) is so goed!!!! My nuwe album, of herverpakte album, ek hou daarvan om van hom te praat as die nuwe album want alles omtrent hom voel nuut vir my. Daars 5 nuwe liedjies op, nuwe dankies, nuwe foto's, en dit voel meer soos ek, baie meer soos die regte ek. Ek het na die eerste week wat die album uitgekom het op die 4de plek gaan le op DKNT se top 10, en die volgende week wat ek gekyk het, het ek begin wonder of ek nie uitgeval het nie, maar ekt die verassing van my lewe gekry met die eerste plek op die top 10!!! What did i tell you, God is sooooo GOOD!! Ek was absoluut in ekstase, ek onthou ek het met Theuns Jordaan gepraat net voor DKNT op gekom het want ons was by die Neil Diamond show en hyt vir my gese hy sien 'n groot toekoms vir my. Ek was maar onseker maar ek weet dat enige iets by God moontlik is. So ruk daarna kry ek 'n sms ons het jou nog nie op DKNT gesien nie, en ek begin dink, het ek uit geval? So ruk daarna terwyl Neil Diamond Forever in blue jeans sing, kom 'n sms deur wat se eks nommer 1!! Ek het begin huil en dit was nie my eerste keer wat ek gehuil het daardie aand nie, want ek is mal oor Neil Diamond en het al gehuil toe hy Play me sing. Ek het vir Theuns wat aan my linkerkant gesit het gese om dit by die ry af te stuur tot by my ma'le (my HELE familie en vriende het 'n ry vol gesit daar). Almal was baie opgewonde. En dis alles te danke aan elkeen van julle wat die cd's koop, so dankie, ek waardeer dit regtig uit die diepte van my hart.

Ek leer baie die laaste tyd en kry vreeslik baie geleenthede, en die ander geleentheid wat ek oor my pad gekry het was om 'n Afrikaanse fliek te skiet in Januarie en Februarie. Die fliek se naam is Platteland. Steve Hofmeyr speel my pa (nee hys nie regtig my pa ook nie), en Hanna Grobler my stiefma, en Jay is my broer, my naam is Rolene Ferreira in die fliek, wat baie weird is want my broer was Jan Ferreira in sy fliek, Liefling. Ons twee kan ook net nie wegkom van mekaar nie...? My pa is 'n baie rowwe man in die fliek en die dorp is regtig skrikkerig vir hom, hy besit basies alles en dit wat hy nog nie besit nie sal hy doodmaak voor. My stiefma drink permanent wyn en is glad nie geld gewoond nie, so ek kan haar regtig nie verdra nie, ons baklei nogals lekker in die fliek, en dit voel eintlik so snaaks, want in die regte lewe is Hanna 'n goeie maatjie van my. So dit was nie altyd lekker om so met haar te baklei nie en vir haar ook nie, want sy moes my op 'n staduim klap. Ek dog toe ons gaan die klap so biekie fake. Maar na die eerste take wat ons gevat het van daardie spesifieke scene se Sean Else, nee jy moet haar regtig klap. Hanna het groot goue ringe aan want sys mos niks gewoond nie so ek weet hier kom 'n ding. Die eerste 3 keer wat sy my geklap het was nie so seer nie, en ek raak toe gemakliker, maar min het ek geweet sys nog besig om in die rol van Louise Ferreira my stiefma in te kom. Na die 3de klap was die nie meer snaaks nie en syt my nog so 15 daarna gegee. My wang was bloedrooi na daai scene, en ek kan met alle eerlikheid se, dis nie lekker om geklap te word in die gesig nie. Shame sy het die heletyd net jammer gese na elke keer wat sy dit moes doen, so ek hoop regtig daai klap lyk vrek goed in die fliek, want hel dit was seer. Ek het ook 'n liefde in die fliek wat ek nie mag sien nie omdat my pa so se, en sy naam is Wian Van Niekerk in die fliek, Vaughan Gardiner. My pa wil nog hulle plaas ook as eiendom in besit neem en so mag ek glad nie vir Wian sien nie en hy nie vir my nie, maar soos tieners is maak ek altyd 'n plan om by hom uit te kom, en hys 'n baie nerd tipe ou in die skool, maar ek het op hom verlief geraak. Vaughan Gardiner (Wian) is die boetie van Lianie May in die fliek, en Bok van Blerk kom dan op 'n stadium in om die hele situasie te red, maar ek kan nog nie se of hy dit reg kry nie.... Julle sal moet gaan kyk? Dis 'n baie snaakse, stylvolle, aksievolle fliek en ek glo dis deel van die poging om afrikaans uit die "kommin" genre te kry. Die "kommin" is baie keer snaaks, maar ek meen dit lyk of dit al is wat Suid Afrikaners kan doen? En dis nie so nie. Ek hoop regtig elkeen van julle sal dit gaan kyk en dat dit die moeite werd sal wees vir julle. Vat miskien 'n tissue ook saam....

Ek hoop regtig ek sien julle binnekort by shows. Ek weet ek sing die 25ste April by die Randse paasskou, en die 28ste April by Firkin in centurion!! Eks besig om 'n lekker show uit te werk wat ek hoop julle baie van sal hou, so julle moet maar kom kyk en my kom se wat julle dink...Ek weet ook dat ek die 17de April op Jukebox is...

So dinge is redelik aan die gang aan my kant, ek slaap defnitief minder as wat ek altyd het. Eks besig om vir my 'n huis nader aan my broer hulle te soek want soos julle seker al weet verwag hy en Annatjie hulle eerste babatjie in Oktober, en ek wil naby wees vir alles!! Ek gaan heeldag popspeel, en die baba se eerste skinny jean koop wanneer hy/sy een word... Ek kan nie wag nie...!!! Ek moet nou weer gaan, ek hoop dat julle lekker gelees het en dat ek julle binnekort sien iewers. Ek bid Jesus (Yashua) se beskerming oor elkeen van julle, ek bid dat julle sal ervaar hoe real God is, en hoe naby jy aan Hom kan lewe en dat Hy elke dag reg staan om jou in Sy arms te ontvang en om 'n persoonlike verhouding met jou te he. Ek bid dat elkeen van ons sal besef dat niks oor ons gaan nie maar alles oor ons Koning, en dat ons sal minder word en Hy meer, en dat ons ons skeppingsdoel sal uitleef waarvoor God ons in die eerste plek op aarde geplaas het. Jys spesiaal, God het jou geken voor Hy al die aarde gemaak het, en Hy Homself, die Koning van die heelal, het gekies dat jy hier moet wees, want Hy het 'n plan met jou. Begin net Sy woord lees en vir Hom die waarheid oor alles vra, Hy sal vir jou wys. Baie blessing vir julle elkeen en al my liefde,

Karlien
xxx

12 Augustus 2010

HeLLo JuLLe!!!!!

My eerste nuusbrief....!!! My CD is uit, yeahhhhhh, ek hoop julle weet dit al en het dit al iewers gesien of miskien gekoop? Eks baie bly die cd is UiTeiNdELiK uit!! Ek hoor van julle is ook, dit voel of ek vir mense begin jok het want elke keer as iemand my gevra het wanneer die cd uitkom se ek elke keer oor i maand....ek het nie gejok nie ek belowe, dis maar net hoe dit werk met die maak van i album, net sodra jy dink dis klaar is daar nog iets....Want of ek, of Johan Vorster kry i nuwe idee vir i liedjie wat ons wakker hou in die aande tot dit klaar geskryf is en uiteindelik verwerk word en op die album kom.... Dis harde werk, baie lekker, maar nie net iets wat uit die lug val nie, ek hoop julle geniet dit baie!!! Die liedjie wat nou op Jakaranda speel is Sweet dreams, ek weet van julle het dit al gehoor, baie dankie vir julle boodskappe, ek waardeer dit baieeeeee!! Ons sal teen die einde van die maand die musiekvideo vir Sweet dreams begin skiet, en ek belowe ek jok nie, dit gebeur regtig dan, so dit sal iewers in volgende maand uit kom, maar in tussen hoop ek almal droom mooi drome elke aand....Die liedjie Feeverhaal het ek een oggend 3uur geskryf toe ek met i wysie in my kop aan die slaap geraak het en ek kon net nie van dit ontslae raak tot ek op die ou einde opgestaan het en daaraan geskryf het nie...nie die lekkerste tyd om wakker te word nie.....maar dit was die moeite werd..Ekt dit in in half uur klaar geskryf en dit die volgende oggend vir my vriendinne gespeel op die kitaar en hulle was almal mal daaroor en gese hulle wou se hulle hoor i kitaar in die middel van die nag maar het gedink hulle droom...O ja, ek bly saam 3 van my vriendinne in Centurion......Dink hulle wens party dae ek vergeet hoe om kitaar te speel....darem hopelik nie regtig nie...

Ek is nou besig om te rehearse vir my shows wat binnekort begin, die eerste een is die 25ste Augustus in die Pierneef teater in Pretoria, ek het 4 dansers en i kitaar speler wat saam my gaan optree, ons wil iets anders doen in Suid-Afrika, biekie ietsie nuut probeer, want dit voel of alles dieselfde raak....en ek wil altyd iets nuuts probeer...ek sien regtig nogals uit daarna, en om te hoor wat julle daarvan dink?? Ons gaan ook binnekort begin om i nuwe afrikaanse fliek te skiet waarin ek gaan speel, dis nog eintlik i groot geheim so ek kan nie meer as dit se nie, behalwe dat dit afrikaans gaan wees....haha.. en dat ek nou minder pizza mag eet want die kamera sit 10kg by wat glad nie nice is nie...Eks lekker lui vandag, ek haaaaaaaaaat die koue, maar ek moet dit gaan trotseer, het i vergadering aan die gang binnekort....waar ek maar water sal drink en slaai sal eet...eeeewwwhhh, anyway hoop julle is almal lekker warm en eet pannekoek en kyk dvd's!!! Dankie dat julle my website besoek en vir al julle ondersteuning ek waardeer elkeen van julle sin!!! Dankieeeeeeee!!! Baie blessing vir julle en ek bid dat elkeen van julle elke dag nader aan Jesus sal groei, en dat ons vir mekaar sal bid en in liefde sal lewe....

"want nou sien ons deur 'n spieel in 'n raaisel, maar eendag van aangesig tot aangesig. Nou ken ek ten dele, maar eendag sal ek ten volle ken, net soos ek ten volle geken is. En nou bly geloof, hoop, liefde - hierdie drie; maar die grootste hiervan is die liefde." 1Kor 13:12-13

Liefde

Karlien xxx